Hadisə

Bakıda 22 yaşlı qız dəm qazından boğulub, bir ailənin 4 üzvü isə zəhərlənib

626
Bakıda 22 yaşlı qız dəm qazından boğulub, bir ailənin 4 üzvü isə zəhərlənib
Bakıda dəm qazı daha bir nəfərin həyatına son qoyub.

APA-nın məlumatına görə, hadisə Nəsimi rayonunda qeydə alınıb. Rayon ərazisində kirayədə yaşayan, Neftçala sakini, 22 yaşlı Aydın Beytulla qızı Səfərova yaşadığı evin hamamında dəm qazından boğularaq ölüb.

Dəm qazı ilə bağlı daha bir hadisə Binəqədi rayonu, Baksol yaşayış massivində qeydə alınıb. Orada yaşayanlar – 39 yaşlı Ramil Ağayev, həyat yoldaşı, 34 yaşlı Şərqiyyə Ağayeva, övladları, 11 yaşlı Rəqsanə Ağayeva və 7 yaşlı Ülviyyə Ağayeva dəm qazı zəhərlənməsi ilə xəstəxanaya yerləşdiriliblər.

Hər iki faktla bağlı araşdırma aparılır.