Məhkəmə ANS-in daha 2 şikayətini təmin etdi

Bakı Apellyasiya Məhkəməsində “ANS” Müstəqil Yayım və Media Şirkətinin Milli Televiziya və Radio Şurasına (MTRŞ) qarşı iki şikayətinə baxılıb.


APA-nın məlumatına görə, hər iki prosesdə birinci instansiya məhkəməsinin qərarı ləğv edilib və iş yenidən birinci instansiya məhkəməsinə qaytarılıb.

Qeyd edək ki, ANS Müstəqil Yayım və Media Şirkəti MTRŞ-nın çıxardığı inzibati tənbehvermə haqqında qərarlarının ləğv edilməsi tələbi ilə Səbail Rayon Məhkəməsinə müraciət edib. Məhkəmə həmin iddiaları təmin etməyib. Bundan sonra şirkət apellyasiya şikayətləri ilə məhkəməyə müraciət edib.