Siyasət / Son xəbər

"AŞ PA-nın yay sessiyasındakı hadisələr bizi ciddi düşünməyə vadar edir" - Səməd Seyidov

770
"AŞ PA-nın yay sessiyasındakı hadisələr bizi ciddi düşünməyə vadar edir" - Səməd Seyidov
"AŞ PA-nın yay sessiyasında baş vermiş hadisələr bizi ciddi düşünməyə vadar edir".

Liderinfo.az-ın məlumatına görə, bu fikirləri cümə günü jurnalistlərə açıqlamasında Azərbaycanın Avropa Şurası Parlament Assambleyasındakı (AŞ PA) nümayəndə heyətinin sədri Səməm Seyidov qurumun yay sessiyasının nəticələrinə münasibət bildirərkən deyib.

O, qeyd edib: “Avropa Şurası Parlament Assambleyasının sessiyası yekunlaşdı. Sessiyanın son günündə Azərbaycanda keçiriləcək növbəti parlament seçkilərinə müşahidəçi missiyasının rəhbəri də təyin olundu. Bu, İspaniyadan olan deputat Xucla Jordidir. Hesab edirəm ki, Avropa Şurasında yekdilliklə qəbul olunan bu təyinat Azərbaycanda keçiriləcək seçkiləri obyektiv qiymətləndirəcək və Azərbaycana həm qısamüddətli, həm də uzunmüddətli müşahidə missiyası göndəriləcək. Lakin onu da qeyd etmək istəyirəm ki, bu sessiyada baş vermiş hadisələr bizi ciddi düşünməyə vadar edir: Avropa Şurası ilə yalnız insan haqları sahəsində deyil, ümumiyyətlə, əməkdaşlığa zərurət var, yoxsa yox? Bu, ən ciddi sual və nəticədir ki, AŞ PA-nın yay sessiyasından evə (Azərbaycana - red.) aparırıq”.

X.Jordi 2008-ci ildən AŞ PA-nın üzvüdür. Bundan əvvəl, AŞ PA-nın Dağlıq Qarabağ üzrə Alt Komitəsinin rəhbəri təyin olunmuşdu.