Siyasət / İqtisadiyyat

Putinin bitməyən erməni sevgisi

768
Putinin bitməyən erməni sevgisi
Rusiya prezidenti Vladimir Putin ermənilərə olan sevgisini növbəti dəfə əməli addımı ilə təsdiqləyib. O, bir erməni dığasını, daim düşmənçilik toxumu səpən şəxsi Rusiyanın dövlət siyasətinə informasiya nəzarəti üzrə Komissiyanın başçısı təyin edib. Təbii ki, bu addım o qədər də xoş və birmənalı qarşılanmayıb və qarşılana da bilməz.

Liderinfo.az-ın məlumatına görə, Putin xüsusi sərəncamla millətlərarası münasibətlər üzrə Rusiya Federasiyasının prezidenti yanında Məsləhət Şurasının dövlət milli siyasətinə informasiya nəzarəti üzrə Komissiya yaradıb və həmin Komissiyaya "Rusiyanın Erməni İttifaqı"nın prezidenti Ara Abramyan sədr təyin edib.

Yeni Komissiyanın fəaliyyəti millətlərarası münasibətlər sahəsində Rusiyanın dövlət milli siyasətinin reallaşdırılmasında təsir gücünün artmasından ibarət olacaq. Həmçinin Komissiya Rusiyada çoxmillətli cəmiyyətin birləşməsinə kömək etməyə, şura üzvləri və ictimaiyyət arasında "doğru dialoq"un qaydaya salınmasına, vətənpərvərlik tərbiyəsinə və millətlərarası münasibətlər sahəsində Rusiya Federasiyasının prezidentinin siyasətinin təbliğatına çalışmalıdır.

Hələ bu azmış kimi, Putin digər sərəncamı ilə A.Abramyanı Rusiya Birliyi Gününün, eləcə də Krım və Sevastopolun yenidən Rusiyaya birləşdirilməsi Gününün bayram edilməsi ilə bağlı tədbirlərin keçirilməsi üzrə işçi qrupun üzvü də təyin edib. İşçi qrupuna isə Rusiya prezidenti Administrasiyası rəhbərinin birinci müavini Vyaçeslav Volodin başçılıq edir.

A.Abramyan 2012-ci ildən millətlərarası münasibətlər üzrə Rusiya Federasiyası prezidenti yanında məsləhətçi orqanı kimi federal dövlət hakimiyyəti orqanlarının qarşılıqlı təsirinin təminatı üçün yaradılmış Şuranın da üzvüdür.

Baxın, Rusiya kimi böyük dövlət milli siyasətinin reallaşdırması ilə bağlı məsələləri kimə tapşırır. Əslində, bu təyinat Putinin davam etdirdiyi ənənəvi "parçala və hökm sür" çar siyasətinin tərkib hissəsidir və doğru seçimdir. Çünki millətlər, xalqlar, insanlar, qonşular arasında münaqişə yaratmaq, nifaq salmaq qabiliyyətini Allah-Təala ancaq və ancaq ermənilərə verib. Bu sahədə ən yaxşı təcrübə məhz bu bədnam millətin nümayəndələrindədir. İlk baxışda, dünyaya meydan oxuyan Putinin "bu qədərmi ağılsız" qərar verdiyi duyulur, amma sadaladığım bu keyfiyyətləri nəzərə alanda görürsən ki, Putinə lazım olan addımların atılması, icrası üçün məhz Aram Abramyana böyük ehtiyacı var.

Təbii ki, bu işdə erməni əsilli xarici işlər naziri Sergey Lavrovun böyük rolu var. Çünki Putin onu da çox sevir və ən yaxın silahdaşı hesab edir.

Rusiyada üç milyona yaxın azərbaycanlı yaşayır, dövlət işində çalışa bilən, yüksək vəzifələrə layiq, intellektual səviyyəsi yüksək olan, dünyasəviyyəli soydaşlarımız var. Sual olunur, bəs nə üçün onların heç biri Moskvada yuxarı vəzifələrə çəkilmir? Amma lazım olanda başqa məqsədlər üçün - Azərbaycanda qarışıqlıq yaratmaq üçün istifadəyə yönəldilir?

Ömür boyu ayrı-ayrı millətlər arasında nifaq toxumu səpən ermənilərin Moskvada vəzifəyə təyin olunmalarının səbəbi nədir?!

Politoloq Qabil Hüseynli bu məsələ ilə bağlı ANS PRESS-ə bildirib ki, ermənilər Rusiyanın siysasi elitası ilə çuğlaşıblar. Ruslar erməniləri özlərinin sevimlisi hesab edirlər və məhz bu səbəbdən bu addım atılır. Səhv etmirəmsə, indi Rusiyanın ekologiya naziri də ermənidir, xarici işlər nazirinin də erməni qarışığı var. Yəni, az qala nazir səviyyəsində olan bir vəzifəyə erməni diasporası sədrini gətirib qoyulması onu göstərir ki, rusların xarici sizyasət xəttində ermənilərə "stavka" etmək məsələsi yenə də aktuallıq kəsb edir. Bu nöqteyi-nəzərdən ermənilərin həm iqtisadiyyatda, biznesdə, kommersiyada aparıcı rol oynamsı, Moskvanın siyasi həyatında mühüm rol oynaması Rusiya siyasi elitasının, rəhbərliyinin ermənilər üçün yaratdığı əlverişli şəraitlə qırılmaz surətdə bağlıdır.

Onun sözlərinə görə, Rusiya ermənilərlə strateji ittifaqda olduğunu, əməkdaşlığını hər addımda, o cümlədən kadr, Ermənistana münasibət və s. məsələlərdə də göstərir. Azərbaycana, xüsusilə Dağlıq Qarabağ probleminin həlli ilə bağlı kifayət qədər boş vədlər verir.

Politoloq deyib: "Əgər millətlərin sayına nəzərən milli münasibətlər siyasətini müəyyən edən şəxsin kimliyini müəyyən etmək lazım gələrdisə, o zaman azərbaycanlılara üstünlük vermək lazım idi. Çünki Rusiyada 3 milyona yaxın azərbaycanlı yaşayır. Ermənilərin sayı isə heç 1 milyona çatmır, bizim sayımız onlardan 3 dəfə çoxdur. Üstəlik, millətlərarası məsələləri kifayət qədər yaxşı bilən alim, siyasətçi, müxtəlif vəzifə daşımış azərbaycanlı var. Onlar bu işin öhdəsindən daha yaxşı gələ bilərdirlər. Çünki ermənilər həmişə bütün məsələlərdə tərəfkeşlik edir, millətlərarası münasibətlərin qızışmasına gətirib çıxaran siyasət yürüdürlər. Bu nöqteyi-nəzərdən Putinin bu təyinatını, addımını, qərarını, hərəkətini bəyənmək mümkün deyil və bunu ermənilərə növbəti güzəşt kimi dəyərləndirmək lazımdır".