Kriminal

Əsəd Suriyanı İŞİD və PYD ilə bölüşdürür - Şərtlər

641
Əsəd Suriyanı İŞİD və PYD ilə bölüşdürür - Şərtlər
Suriya Prezidenti Bəşər Əsəd müxalif qüvvələrlə vuruşmaları üçün İŞİD və PYD (PKK-nın Suriya qanadı) ilə razılaşıb.

Axar.az xəbər verir ki, bu barədə Türkiyənin “Sabah” qəzeti yazıb.

Məlumata görə, Əsədin iki komandiri İŞİD-in üç yüksək rütbəli nümayəndəsi ilə görüşərək bir-birlərinə hücum etməmək barədə razılaşıb. Eyni razılaşma PYD ilə də imzalanıb.

Razılaşmanın şərtləri belədir:

- İŞİD PYD ilə razılaşdırılmış kürd bölgələrinə hücum etməyəcək. Ortaq düşmən Azad Suriya Ordusu (ASO) olacaq. İŞİD qurudan, Əsəd isə havadan ASO-nu vuracaq.

- İŞİD Suriya rejiminin tələbi ilə Dəməşqin şərqində mövqe tutan müxalif İslam Ordusunun lideri Zehran Alusini öldürəcək.

- İŞİD rejimə xidmət qarşılığında həm boru, həm də tankerlər vasitəsilə neft satmağa davam edəcək.

Qeyd edək ki, son günlərdə İŞİD-in müxaliflərdən ələ keçirdiyi bir çox bölgəni Əsəd rejiminə qarşıdurmasız təhvil verdiyi, PYD-nin isə bir çox müxalif nöqtəsinə İŞİD-lə mübarizə adı altında hücum etdiyi bildirilir.