İdman / Maraq

Olimpiya Stadionuna bu yollarla gedin

703
Olimpiya Stadionuna bu yollarla gedin
Nəqliyyatı İntelktual İdarəetmə Mərkəzi (NİİM) Avropa Oyunları ilə bağlı video müraciət yayıb. Müraciətdə iyunun 12 və 28-də ictimaiyyətin hansı yollarla hərəkət edə biləcəyi açıq-aydın təsvir edilib.

Liderinfo.az-ın məlumatına görə, NİİM yaydığı video çarxda 12 iyun açılış və 28 iyun bağlanış mərasimləri zamanı Olimpiya Stadionuna hansı yollarla getməyin mümkün olması göstərilir.

Videoda qeyd edilir ki, həmin günlərdə əhali mərasim keçirilən yerlərə ancaq ictimai nəqliyyat -metro və ekspress avtobuslarla gedə biləcək.

Xatırladaq ki, "Bakı 2015" 12 iyun tarixində başlayacaq Avropa Oyunlarından öncə hazırlıqların bir hissəsi kimi şənbə günü, iyunun 6-da Olimpiya Staionunda sınaq tədbiri keçiriləcək. Bununla əlaqədar bildirilib ki, Heydər Əliyev prospektinin Babək yol qovşağından Sabunçu yol qovşağınadək olan hissəsi iyunun 6-da axşam saat 16:00-dan gecə saat 02:00-a kimi ümumi nəqliyyatın hərəkətinə bağlı olacaq.

Həmçinin, Mehdi Hüseyn küçəsinin Parlament prospekti dairəsindən Teymur Elçin küçəsi ilə kəsişməsinədək olan hissəsi ümumi nəqliyyatın hərəkətinə 6 iyun tarixində axşam saat 16:00-dan gecə saat 02:00-a kimi bağlı olacaq.

Şəhər sakinlərindən avtobus və metro stansiyalarında həmin gün sərnişin sıxlığının olacağını nəzərə almaları xahiş olunur.